Grasang Scammer!

Huli na, nagma-matigas pa rin! Buking na, nagma-malinis pa rin! Itong Grasang Scammer na ito yata ang tinutukoy ni PNoy nang nagparinig ito sa kanyang SONA speech na "Saan Niyo Kinukuha yung Kapal ng Mukha Ninyo?!"

At hindi lang ang Ina ang makapal... minana din ng kanyang anak ang kanyang ugali! Ipinangangalandakan pa ng hitad ang nakaw na yaman nila sa Internet.

Kaya naman hindi na ako nagtataka kung bakit hindi siniseryoso ng mga tao ang kahit anong "anti-corruption" na programa ng kahit aling administrasyon. 

HINDI KASI NAPAPARUSAHAN ANG MGA TAONG GANITO!

Kontra Dinastiya = Kontra Grasa

Featuring the Kontra Dinastiya blog. Mukhang magandang subaybayan ito. Isinisiwalat kasi ang baho ng mga EPAL na Pulitikong Grasa sa Pilipinas.

Grasang Idol!

Iba talaga pag pinagpala kang nilalang. Walang duda, money just doesn't talk... it buys a lot of things! Eroplano, submarino, daan-daang panabong na manok, dose-dosenang bahay at lupa (sa Pinas at abroad), gusali, apartments, VIP tickets sa lahat ng events, first-class plane tickets sa kahit anong biyahe, bullet-proof cars and vans, famous friends, powerful patrons, primera-klaseng alak, timba-timbang chips sa casino, etc... etc... etc...

Pero ang da best, money buys a lot of babes! Woohoo! Party, Chavit! Par-tey!!

Ang tanong, sino ang kumuha ng litrato? Parang naririnig ko lang sa background... "Chavit! Para sayo ang piktyur na to!" :-)

Abogadang de Grasanilla?

Dati ayaw mo sa kanya... ngayon, KLIYENTE mo na siya?! Ewan ko sa inyo ha, pero sa amin may tawag sa ganito -- SALAWAHAN!

shame... shame... shame...

Grasang ANAY!

Ang turing ng iba sa mga alipores na ikinalat ni Gloria sa burukrasya (gamit ang walang pakundangang pagmidnight-appointment) ay "landmines."

May katuwiran... andun nga naman sila para biglang sumabog (prumotekta sa kanilang Amo) kapag may mag-tangkang imbestigahan, litisin o ikulong si Gloria, ang kanyang Pamilya o ang kanyang mga chuwariwaps.

Pero ibang klase 'tong isang 'to. Di lang siya simpleng "landmine." Mas malaking sakuna ang kaya niyang idulot -- kaya kasi niyang durugin ang pagkaka-isa ng tatlong sangay ng pamahalaan -- ang ehekutibo, lehislatura at hudikatura.

In short, kaya niyang durugin ang demokrasya!

Kaya layas! Anay! Layas!

Sino ang mas GRASA sa dalawa?! You decide.

Basta ang alam ko, kung ako ang tatanungin... walang tulak-kabigin sa dalawang ito.

Parehong gahaman (yung isa sa pera at kapangyarihan habang yung isa naman sa atay at balun-balunan!)

Grasang SAKIM sa kita!

Wakanga! Pati ba naman sa negosyong ito ay gusto mo tubong lugaw pa din?! Aba... aba... aba, Lucio! Sumusobra ka na! Lahat tinipid mo -- sweldo, benepisyo, kontrata. Ngayon, pati kaligtasan ng mga pasaherong pinagkaka-kitaan mo, tinitipid mo din?!

Mahiya ka oy! Ibalik mo yung mga matitinong empleyadong pinalitan mo ng mga mumurahing bagito! Sakim!

PALagi gusto laki kita...

PALagi tinitipid ang puhunan...

PALaging empleyado'y ginugulangan...

PALagi na lang pinagbibigyan...

PALayasin na nga 'tong hayop na 'to!

Grasang Buking na... Galit pa!

Anlupet din talaga nitong si Kumisyuner Abalos! Nung na-interbyu siya ng isang TV program dati, humirit ba naman na "bakit ba gina-glamorize ng Media yung mga whistleblowers?"

Ganun?! Galit ka, Coya? Parang indignant ka kasi eh... tipong nagmamalinis baga.

Kasi naman, Kumisyuner, sa tono ng interbyu mo e parang hindi nangyari ang mga ISKANDALO sa buhay mo... ang NBN-ZTE Payola na nakipag-golf ka pa nga sa China... ang bilyones na Mega-Pacific Deal na pinayagan mo kahit maanomalya... at, lest you forgot... si GARCI!

Hello, Kumisyoner? OK ka lang?! Kapaaal!

Grasang-grasa talaga ang dating.

La Ultima Grasa!

Sa tanang buhay ko, wala pa akong na-encounter na ganito ka-tigas na grasa! Kahit pagsama-samahin mo pa ang ka-grasahan ng asawa't mga anak niya (na mga matindi din ang ka-grasahan), panis pa din kumpara sa kanya!

Gloria... the Mother of All Grasas!

 

Plakpakan naman 'dyan! :-)

Mikey Arroyo -- Gangsta-Grasa!

Ito ang nagpapatunay na ang pagka-Taong-Grasa ay hindi nakikita sa mga mukhang Taong-Grasa lang. Kahit yung mga "de Buena Familia" (or is it "Bini-buenas na Pamilya"?) ay pwede ring umasta na Gangsta-Grasa... na minsan nga, mas malupet pa sa original.

Tingnan niyo itong si Boss Mikey...

 'Alang katapat talaga pagdating sa yabang... sa pagsisinungaling... sa pagpapalusot... sa pagmamalinis... sa pangungurakot...

Well, pwera sa nanay at tatay, shempre. :-|